Біз туралы
Біз туралы.
Балалық шақ- әрбір адамның ұмытылмас кезеңі. Балалық шақтың ерекше есте қалуы үшін бала қоршаған ортаны танып, балалар ұжымында достық пен дербестікке үйренуі шарт.
Құрметті аналар мен әкелер!! №25 жалпы орта білім беретін мектеп КММ-сі «Бөбек» шағын орталығы Сіздердің бүлдіршіндеріңізді қуана қарсы алады!!!
Біздің шағын-орталығымыз жайлы да сәнді үй. Осы үйімізді көңілді де ақылды балалар мекен етеді. Балалаларға орталықта жайлы болуы үшін шағын-орталықтың шығармашыл ұжымы қолдарынан келген жақсылықтарын аянбауда.
Педагогтардың барлық күш жігері, білімі мен біліктері баланың жеке басының әл-ауқатын қамтамасыз етуге арналған. Балаға салауатты өмір салт дағдыны, азаматтық және патриоттық сезімді қалыптастыру, шығармашылық, өзін-өзі тану қабілеттерін дамытуға арналған.
Шағын-орталықта толық күнді 2 топ жұмыс жасайды, балалардың жас ерекшеліктері 3 жастан -5 жас шамасы аралығында. Оқыту және тәрбиелеу мемлекеттік тілінде жүргізіледі.
Шағын-орталық педагогикалық ұжымында білікті де білімді мамандар жинақталған, олардың:
-жоғары педагогикалық білімі бар-1 адам;
-арнайы орта білімі бар-3 адам;
Біліктілігі бойынша "педагог-сарапшы" -1 педагог; "педагог-модератор"2 педагог.
Шағын-орталық басшылығын жүзеге асырады:
«№25ЖОББМ»КММ директоры Наширбеков Н.Ж.,
Әдіскер:Закирова Б.Р.
Педагогикалық ұжым тұрақты: 4 тәрбиеші шағын-орталықта алғаш ашылғаннан жұмыс жасайды.
Шағын-орталық мектеп ғимаратының бірінші қабатында орналасқан, санитарлық-гигиеналық және эстетикалық талаптарға сай жабдықталған.
Топ бөлмелері жайлы,баланың жас ерекшелік талаптарына сай жиһаздармен, қажетті ыдыстармен, құрал-жабдықтармен жабдықталған.
Таңертеңгілік жаттығу , дене шынықтыру және музыка қызметіне бөлек бөлме берілген. Мектеп ауласында арнайы балалардың таза ауада серуендеуіне арналған , қоршалған серуен алаңы бар. Құммен ойнауға арналған құмсалғыш, сюжетті-желілі және спорттық жаттығуларға, қимыл –қозғалыс ойындарына арналған арнайы құралдар орнатылған.
Шағын-орталықта үш рет дұрыс тамақтану қолға алынған. Медицина қызметкері тамақтануды ұйымдастырумен қатар балалардың денсаулығын ұдайы қадағалап отырады
Шағын-орталыққа балаларды қабылдау мектепке дейінгі ұйымдардың Үлгілік қағидаларын басшылыққа алып Қазақстан Республикасы Үкіметінің қаулысымен бекітілген талап бойынша жүзеге асырылады. Мектепке дейінгі шағын-орталық пен жалпы білім беретін мектеп қарым-қатынасы мектеп директоры атынан және ата-аналар тарапынан (оларды алмастыратын адамдар) келісім-шарт арқылы реттеледі. Шағын орталық тәрбиелеу-оқыту процесі мектепке дейінгі тәрбиелеудің Үлгілік Оқу бағдарламасы арқылы жүзеге асады. Бұл бағдарлама талаптары шағын-орталық топтарында заттық-дамытушы ортаны ұйымдастыруға, педагогтардың кәсіби шеберліктерін арттыру арқылы балаларды мектепке сапалы дайындап, қоғамдық-әлеуметтік өмірге белсенді бейімдеуді көздейді.
Бала денсаулығын нығайту, олардың зияткерлік және шығармашылық қабілеттерін дамыту мақсатында шағын - орталықта «Сөйле, балақай!» (қазақ тілін үйрену), «Таэквандо», «Шебер қолдар»(қолөнер), «Ертегілер әлемі» (сахналау) үйірме жұмыстары жүргізіледі.
Басты құндылығы ретінде мектепке дейінгі білім беру мекемесінің анықтайтын миссиясы болып табылады:
Шағын-орталық тәрбиеленушілерінің; (физикалық, психикалық, адамгершілік) денсаулығы;
Тәрбиеленушілерді жаңа қазақстандық патриотизм құндылығы негізінде қалыптастыру;
Баланың ішкі әлемі, оның (шығармашылық әлеуеті, қабілеттері, әр түрлі қызмет салаларындағы мүдделері)
Біздің шағын-орталығына қош келдіңіздер!!!